Parveke / Paylaş / Share
Dil dibare, lêv dinale, pîlên min sivik dibin nizanim çi hale,
Jinek belengaz dest avit sînga min, êş û eleman dimale,
Va çi zemane Xwedê, min însanek durust nedî heta çend sale,
Zozana min bû ronahiya çavên min, lêbelê ji bo min heyale.
Xemgînim ez, çend sale tim û tim,
Cardin nikanim, zehra mirinê wexwim,
Ez xurbetiyê nizanim çawa bikim,
Hesreta te û welat pir girane dayê.
Dil dibare, zar dilale, ruhê min dikele hzo çima beden ewqas sare,
Evîn jî hevaltî jî nerastin îro, herkes dû menfaatê xwe tere,
Minre tenê eşq lazîme, xêrcî hurmet çi heye bila nav me here,
Delala min lewra berxik masûm û paqij, keçikek pir zelale.
Birçîme ez, hemberî him îlim him jî îrfan,
Hewcîtîya zanîn li omrê min nade heyfan,
Pirtûkên min li malan xemilandine rafan,
Lêbelê dilê min tale, ez hîna jî xerîbim dayê.
Dil dibare, êstrik dimale, rûh û canê min nexweşiyek bêderman girtiye,
Kûlmikek minde tofana Nûh, kûlmikek minde agirê Îbrahîm pêgirtiye,
Wek Mûsa ketime dergûşê, bila min nav nevala xelas bike Asiye,
Zozana min rind û xweşik wekî Tadûxepa, ewa dayika Delale.
SEDİYANİ HABER
16’Ê RÊBENDAN 2021
Parveke / Paylaş / Share